Kada a nuna halin ko-in-kula ga alamu 6 da akanji a jiki

0

Mafi yawan lokuta mutane da dama basa maida hankali wajen kula da lafiyar jikin su musamman idan suna dan Jin wani ciwo-ciwo a sashe na jikin.

Wani likita dake asibitin Murtala a Kano, Abdullahi umar ya gargadi mutane da su guji nuna halin ko in-kula da wasu alamu na ciwo da su Kan hi a sassa na jikin su domin yakan iya zama alama ce na ciwo da zai iya yi wa rayuwarsu barazana.

Ya bayana irin wadannan alamu kamar haka:

1. Ciwon kafada na hanun hagu; Yana yiwuwa cutar bugawar zuciya ne ko kuma matsalolin dake tattare da rashin karfin garkuwan jiki.

2. Ciwon kafadan hannun dama; sanadiyyar kamuwa da cutar koda ko kuma samun matsaloli da ke tattare da madacin mutum.

3. Ciwon baya; Yana iya yiwuwa cutar da ke kama kodar mutum wanda ake kira ‘Kidney stones’,buguwa a kashin baya, ciwon baya da sauransu.

4. Ciwon kafa; Yana yiwuwa hardewar jijiyoyin kafa ne ko kuma matsalar daskarewar jini.

5. Ciwon kai mai tsanani; sakamakon kamuwa da cutar shanyewa bangaren jikin mutum ko kuma matsalar daskarewan jini.

6. Ciwon wuya; sakamakon kamuwa da cutar dake kama huhu ko kuma matsalolin da ya Shafiu numfashin mutum.

Share.

game da Author

Leave A Reply