Buhari ya rubuta wa majalisar dattawa ta amince masa ya ciwo bashin Dala bilyan 5.5

Shugaban kasa Muhammadu Buhari ya bukaci majalisar dattawa ta amince masa ya ciwo bashin Dala biliyan 5.5 daga waje.

Shugaban Majalisar Dattawa Bukola Saraki ne ya Karanto hakan a wata wasika da shugaban kasa ya aika majalisar yau Talata.

Buhari yace za ayi amfani da kudaden ne wajen biyan ayyukan da aka sa a kasafin kudin 2017 sannan kuma a biya wasu basussuka na cikin gida.