Karamar hukumar Babura dake jihar Jigawa ta kafa sabuwar doka da zai tilasta duk wanda zai yi aure ya tabbata ya gina dakin bahaya don iyalin sa a gidansa kafin a daura masa aure.
Karamar hukumar ta yi haka ne domin dakile yin bahaya a waje da ya yawaita a karamar hukumar.
Da yake hira da Radiyon Freedom, shugaban karamar hukumar Lawan Isma’il ya ce wannan doka ta zama tilas biyo bayan kokekoken da mutanen garin ke yi kan yadda bahaya a waje ya yawaita a karamar hukumar.
” Daga yanzu duk wanda zai yi aure sai ya gina dakin bahaya inda iyalin sa za su rika zagayawa idan bukatar haka ya taso. Sai ka nuna wa duba gari na musamman da ke da alhakin tabbatar da ka gina wurin ba haya a gidan da ango ajiye matar sa.
Isma’il ya ce wanda ya karya doka lallai za a kama shi kuma zai fuskanci fushin hukuma.
Discussion about this post