Kotun majistare dake Ota a jihar Ogun ta bada belin Iduwue Moyosoreoluwa mai shekara 18 kan naira 100,000 bayan an kama shi da laifin kutsa wa cikin coci domin yayi sata.
Dan sandan da ya shigar da kara a kotu E. O. Adaraloye ya ce rundunar ta kama Moyosoreoluwa bisa ga laifin sata da lalata wuri.
Adaraloye ya ce Moyosoreoluwa ya aikata haka ne ranar 10 ga Disemba da karfe 3 na safe a cocin dake lamba 32, Adaranju dake Ijigun Agbede a Itele Awori, Ota.
Ya ce da ya shiga cocin sai Moyosoreoluwa ya naushi faston cocin Michael Omole sannan ya arce duk da bai samu damar aukan komai daga cocin ba.
Sai dai kuma Moyosoreoluwa ya musanta aikata wannan laifi a gaban alkali.
Alkalin kotun A. O. Adeyemi ta bada belin Moyosoreoluwa akan naira 100,000 tare da gabatar da shaida daya a kotun.
Za a ci gaba da shari’a ranar 19 ga Disemba.
Discussion about this post