WHO ce jigon yaki da cutar Shan Inna a Najeriya – Faisal Shuaib

0

Shugaban hukumar cibiyoyin kiwon lafiya a matakin farko ta kasa, NPHCDA, Faisal Shuaib ya bayyana cewa kungiyar kiwon lafiya ta duniya WHO ita ce jigon yaki da cutar Shan-Inna a Najeriya.

Shuaib ya fadi haka da yake karbar bakuntar wakilin hukumar wakilin WHO a Najeriya a ofishin sa ranar Litini.

Ya ce Najeriya za ta samu shaidar rabuwa kwata-kwata da cutar shan-inna a Nahiyar Afrika a watan Agusta daga kungiyar WHO.

Hakan ya biyo bayan gamsuwa da Hukumar Yaki da Cutar Shan-Inna (POLIO) na kasashen Afrika (ARCC) ta yi game da kokarin kawar da cutar da gwamnatin kasar nan ta yi.

Shaidar rabuwa kwata-kwata da cutar shan-inna a Nahiyar Afrika

Idan ba a manta a watan Agusta 2016 ne cutar Shan Inna ta bullo a Najeriya bayan shekaru uku rabon da cutar ta bullo a kasar nan.

Bullowar cutar a shekarar 2016 ne ya hana Najeriya da Nahiyar Afrika samun shaidar rabuwa da cutar shan-inna.

Bayan haka Shuaib ya ce gwamnati ba za ta Yi kasa kasa ba wajen ganin ta kawar da cututtukan dake kama yara kanana musamman wadanda za a iya kawar da su ta hanyar yin rigakafi.

Mulombo ya jinjina kokarin da gwamnati ke yi wajen inganta fannin kiwon lafiya musamman cibiyoyin kiwon lafiya na matakin farko a kasar nan.

Share.

game da Author