Tinubu ya aika da sunan wanda ya musanya El-Rufai da shi da sunayen wasu mutum uku majalisa don zama ministoci

Shugaban Kasa Bola Tinubu ya aika da sunan Abba Balarabe majalisar Dattawa domin a tantance shi ya zama ministan Najeriya.

Idan ba a manta ba majalisar dattawa ta ki amincewa da tsohon gwamnan Kaduna Nasir El-Rufai ya zama minista bisa dalilan wasu korafe korafe da aka mika wa majalisar.

Sai dai kuma daga baya ma El-Rufai ya ce ya hakura da da kujerar ministan.

Tinubu ya aika da sunan Abbas Balarabe a matsayin wanda zai cike gurbin Kaduna a majalisar Zartaswar kasa.