Sabon Sufeto Janar na ‘Yan Sandan Najeriya, Kayode Egbetokun, ya jaddada cewa a shirye ya ke ya kakkaɓe dukkan masu aikata muggan ayyuka daga ƙasar nan.
Egbetokun ya yi wannan furuci lokacin da Mataimakin Shugaban Ƙasa, Kashim Shettima ke liƙa masa lambar ƙarin girma, a Fadar Shugaban Ƙasa.
Egbetokun ya gaji Usman Baba, wanda ya yi ritaya.
Ya taɓa zama Kwamishinan ‘Yan Sandan Jihar Legas.
Ya shaida wa manema labarai a Fadar Shugaban Ƙasa cewa zai kama aiki a ranar Laraba.
“Jin kai na na ke yi kamar wata garjejiyar damisa, wadda ta yi shirin kacaccala maɓarnata kuma ta kori manyan masu laifi daga ƙasar nan.
“Jin kai na na ke kamar zaki mai jiran damushe maƙiya Najeriya.”
PREMIUM TIMES Hausa ta buga yadda Tinubu ya kori manyan hafsoshin tsaro, Shugaban ‘Yan Sanda da na Kwastan, ya naɗa Ribadu Mashawarcin Tsaron Ƙasa.
Shugaba Bola Tinubu ya kori dukkan Manyan Hafsoshin Tsaro da Sufeto Janar na ‘Yan Sanda da Mashawarta da Shugaban Hukumar Kwastan.
Korar ta haɗa da yi masu ritaya, sannan kuma ya nada sabbi nan take.
Sabbin da ya naɗa sun haɗa da:
1 Malam Nuhu Ribadu – Mashawarcin Shugaban Ƙasa a Harkokin Tsaro.
2 Maj. Gen. C.G Musa – Babban Hafsan Tsaron Ƙasa.
3 Maj. T. A Lagbaja – Babban Hafsan Askarawan Najeriya.
4 Rear Admirral E. A Ogalla – Babban Hafsan Sojojin Ruwa.
5 AVM H.B Abubakar – Hafsan Sojojin Sama.
6 DIG Kayode Egbetokun – Sufeto Janar na ‘Yan Sanda, na Riko.
7 Maj. Gen. EPA Undiandeye – Babban Hafsan Leƙen Asiri.
Haka kuma Shugaba Tinubu ya amince da naɗa:
1 Col. Adebisi Onasanya – Babban Kwamandan Dakarun Tsaron Shugaban Ƙasa (Brigade of Guards).
2 Lt. Col. Moshood Abiodun Yusuf – Babban Dakaren 7 Guards Battalion, Asokoro, Abuja).
3 Lt. Col. Auwalu Baba Inuwa – Babban Dakaren 177, Guards Battalion, Keffi, Nasarawa State.
4 Lt. Col. Mohammed J. Abdulkarim – Babban Dakaren 102 Guards Battalion, Suleja, Niger.
5 Lt. Col. Olumide A. Akingbesote – Babban 176 Guards Battalion, Gwagwalada, Abuja.
Sauran sun haɗa da:
1 Maj. Isa Farouk Audu
(N/14695) – Kwamandan Sojojin Atilare na Fadar Shugaban Ƙasa.
2 Capt. Kazeem Olalekan Sunmonu (N/16183) – Mataimakin Kwamandan State House Artillery.
3 Maj. Kamaru Koyejo Hamzat (N/14656) – Commanding Officer, State House Military Intelligence.
4 Maj. TS Adeola (N/12860) Commanding Officer, State House Armament.
5 Lt. A. Aminu (N/18578) – Mataimaki State House Armament.
Sai kuma ƙarin mashawartan musamman huɗu:
1 Hadiza Bala Usman a Fannin Tsare-tsare.
2 Hannatu Musa Musawa – a kan Al’adu.
3 Sen. Abdullahi Abubakar Gumel – Mashawarcin Musamman kan Majalisar Dattawa.
4 Hon. (Barr) Olarewaju Kunle Ibrahim – Masahawarci na Musamman a Majalisar Tarayya.
Adeniyi Bashir Adewale kuwa an naɗa shi Shugaban Riƙon Hukumar Kwastan.
Discussion about this post