Fargaba yayin da jirgin saman Max Air da ya taso daga Yola ya yi saukar gaggawa a fili jirgin saman Abuja

A ranar Lahadi ne jama’a suka afka cikin ruɗani da fargaba a filin jirgin sama na Nnamdi Azikiwe da ke Abuja bayan da wani jirgin saman Max Air ya yi saukar gaggawa a filin.

Lamarin ya faru ne da misalin karfe 3:00 na rana. kuma ba a samu asarar rai ba, kamar yadda PREMIUM TIMES ta jiyo.

Wasu majiyoyi a filin jirgin da suka nemi a sakaya sunayensu saboda ba su da izinin yin magana a kan lamarin sun ce lamarin ya hana zirga-zirgar jiragen sama da dama da ke sauka a filin.

Bayan haka wasu fasinjoji dun shaida cewa an samu jinkiri wajen tashin jirgin su da zai sauka a Abuja saboda hatsarin da aka yi.

Amma kuma mahukunta sun shaida cewa ba a samu ko da mutum ɗaya da ya samu do da kurzina bane a yayin wannan hatsari. Duka fasinjoji sun sauka lafiya

Mahukunta sun ce tayouyin jirgin ne suka fashe a lokacin da yake kokarin sauka a filin Abuja. Amma kuma cikin gaggawa Injiniyoyi suka dira wa lamarin har aka samu shawo kansa cikin sauki.

Jirgin saman ya taso me daga Yola zuwa Abuja.