ADAMAWA DA SAURAN KALLO: INEC ta haɗa Gwamna Fintiri da A’isha Binani kokawa a filin ‘inkwankilusib’

Hukumar Zaɓe ta bayyana zaɓen gwamnan Jihar Adamawa cewa bai kammalu ba, don haka za a yi ‘inkwankilusib’.

Duk da cewa sakamakon ƙarshe ya nuna cewa Gwamna Ahmadu Fintiri ya fi Binani yawan ƙuri’u, za a bayyana ranar da za a yi ‘inkwankilusib’ a rumfunan da zaɓen gwamna ya gagara yiwuwa a jihar Adanawa.

A ƙidayar INEC, Fintiri ya zarce Binani da ƙuri’u fiye da 30,000.

Gwamna Fintiri na da 421,524, Binani ta na da 390,275.

Fintiri ya ci ƙananan hukumomi 13 a cikin 21, ita kuma Binani ta samu takwas.