Mafi yawan lokuta mata kafin su yi aure sukan rika yin addu’a Allah ya hada su da miji na gari sannan da uwar miji da take son su.
Idan har mace bata yi dacen uwar miji ba har ta tsufa za ta rika samun matsalar gaske a gidan aurenta.
A dalilin haka ya sa wasu matan ke Kiran uwayen mazajen su da sunayen banza kamar su hawan jini, cutar kanjamau, karya da dai sauran su. Wasu ma har addu’a suke Allah ya raba su da irin wadannan cututtuka ko dabbobi.
Ga wasu hanyoyi 6 da za a kiyaye don a mallaki uwar miji sai yadda aka juya ta:
1. Boye wasu halaye ga uwar miji sai daga baya a bayyana su
Tun farko kafin mace ta auri namiji kamata ya yi ta san irin gidan da za shiga
Kamata ya yi mace ta fahimci halin uwar mijinta domin sanin yadda za su yi zaman lafiya tare sannan idan ta shigo gidan kada ta boye hanlayenta na gaskiya domin karya fure ta ke bata ‘ya’ya. Daga baya idan aka gano wasu halayenta na da ba a gamsu da su ba sai abubuwa su yamutse.
Yin hakan na daga ciki matakan dake taimaka wa mata wajen samun sauki a zaman su tare da sirikansu.
2. Zumunci
Zumunci na daga cikin hanyoyin dake kara dankon soyayya tsakanin uwar miji da matan da.
Kiran uwar miji a wayar salula akalla sau biyu a mako, kai mata ziyara lokaci-lokaci na daga cikin hanyoyin dake inganta zaman lafiya tsakanin uwar miji da matar da.
3. Yi wa uwar miji kyauta
Gano abin da uwar miji ke so domin a rika yi mata da siyo mata abubuwan da ta ke so ana kai mata har gida.
4. Mai da uwar miji abokiyar shawara
Uwayen miji na so idan matan dansu na neman shawarar su kafin su aiwatar da wani abu a gidan dan su.
Yin haka na nuwa wa uwayen miji cewa danta bai manta da ita ba duk da cewa yana da iyalan sa.
5. Nuna wa uwar miji cewa mace za ta iya siyan kaya a farashi mai sauki a kasuwa
Yin haka na Kara tabbatar wa uwayen mijin cewa matan dansu na da tattali sannan bata watanda da kudaden dan su.
6. Zama abokiyar hiran uwar miji
Duk da cewa wasu uwayen mazan na ganin cewa yin hira da matan dansu rashin kunya ne amma mutum rahama ne.
Lokaci -lakaci mace za ta iya zama ta Yi hira na Dan wani lokaci da uwar mijinta domin hakan na daga cikin hanyoyin dake taimakawa wajen kara fahimtar juna.
