AZUMI: Ina taya ‘yan uwa musulmai murnar zagayowar watan Ramadana – Sanata Uba Sani

0

Sanata Uba Sani dake wakiltar Kaduna ta Tsakiya ya hori musulmai su dage da yin addu’o’i wa kasa Najeriya da kuma yi wa al’umman musulmai fatan Allah yasa a yi Azumin watan Ramadana lafiya.

Sanata Sani ya bayyana cewa wannan watan rahama wata ce da dukka musulmai suke dukufa wajen tsananta bauta zuwa ga Allah da kuma yin addu’o’i.

” Muna fatan za a fara Azumi lafiya a kuma ga lafiya. Allah ya kara mana zaman lafiya a kasa baki daya da jihar mu, jihar Kaduna.

” Ina yin kira da godewa mutanen mazabar Kaduna Ta Tsakiya bisa goyon bayan da suke bani a matsayin sanatan su da kuma mutanen jihar Kaduna gaba daya.

“Allah ya sada mu da dukkan Alkhairan dake cikin wannan wata na Ramadana”

A karshe ya yaba wa irin ayyukan ci gaba da gwamnatin Nasir El-Rufai ke aiwatarwa a fadin jihar.

Share.

game da Author