SABON SALON HARKALLA: Yadda Ma’aikatar Harkokin Noma ta yi wa wasu ma’aikatanta watandar naira bilyan 3.08

0

Ma’aiakatar Harkokin Noma ta rika yin amfani da maimaita biyan kudi sau biyu, bad-da-bamin lissafi da ‘yar-burum-burum wajen karkasa naira bilyan 3.08 cikin asusun wasu ma’aikatan ta, abin da karara ya karya dokar tasarifin kudade ta kasar nan, wadda ta haramta tura kudaden gwamnati aljihun ma’aikacin gwamnati.

Kamar irin yadda Ma’akatar Makamashin Lantarki ta yi na ta watandar a jajibirin karshen shekarar 2019, ita ma Ma’aikatar Harkokin Noma a karkashin Minista Sabo Nanono, ta yi wa na ta ma’aikata su 42 watandar naira bilyan 3.08 a jajibirin karshen 2019. PREMIUM TIMES ta tabbatar da an tafka wannan gurungunduma, kuma akwai kwafe-kwafe na takardun bayanai masu shaida haka.

An rika karkatar da kudaden ta hanyoyin bad-da-bamin lissafi da ‘yar-burum-burum wajen karkasa naira bilyan 3.08 cikin asusun wasu ma’aikatan ta, abin da karara ya karya dokar tasarifin kudade ta kasar nan, wadda ta haramta tura kudaden gwamnati aljihun ma’aikacin gwamnati.

An Dankara Wa Wata Mata Naira Milyan 255.35, Ba Cas Ba As:

Cikin wadanda aka fi zabga wa kudade akwai wata mata mai suna Zainab Bala, wadda aka kamfato naira milyan 255.35 aka maka cikin asusun ajiyar ta na banki.

Sai kuma wani mai suna Mohammed Lawan, shi ma ya taki sa’a, ta take da naira milyan 246.3.

An ce naira milyan 81 daga cikin kudin da aka dankara wa Mohammed Lawan, na shirya taro ne na 44 na Ma’aikatar Gona da Raya Karkara a Jos. Amma kuma kamata yay i a tura wa ‘yan kwangila kudaden kai-tsaye, ba sai sun bi ta asusun Mohammed Lawan ba, wanda ma’aikaci ne a ma’aikatar.

Ita kuma Zainab, sau biyu aka tura kudi asusun ta. Na farko naira milyan 125, sai karo na biyu naira milyan 130. An rattaba cewa kudaden duk na fara aiki ne a sabuwar Jami’ar Noma ta Gwamnatin Tarayya ta Zuru, Jihar Kebbi.

A cikin wannan watan dai an sake zabzar naira milyan 100 aka tura wa wata mata mai suna Aisha Ahmed da kuma wani Dipnap Nandom shi kuma naira milyan 145. Abin mamaki, sai aka rubuta cewa aikin da aka tura kudi asusun Aisha Bala za a yi da kudin. Wato an biya kudin sau biyu kenan.

GA YADDA AKA KASAFTA KUDADEN, KOWA YA YI GUM DA BAKIN SA

LAMBA: SUNAN MA’AIKACI KUDIN DA AKA TURA MASA

1 ZAINAB BALA 255,350,000

2 MOHAMMED LAWAN 246,298,032

3 NDAKOTSU, MRS. AMINA 174,290,679

4 EBEBI GEORGINA SADIA 172,081,056

5 ABDULRAHMAN, MR. IBRAHIM 171,397,600

6 DIPNAP, MR. NANDOM STEPHEN 145,000,000

7 IJAOBA MUSILIMAT OLAMIDE 140,630,792

8 AJUNWA TOCHUKWU GODWIN 132,114,150

9 AHMED, MR. ARIBO HUSSEIN 126,102,800

10 ONUH OJO SALOME 120,150,201.72

11 ANYAELE, MR. CHARLES OGBONNAYA 107,077,013.85

12 AISHA AHMED 100,000,000

13 MAIMUNA EBILOMA 96,992,000

14 RAUF, MRS. SILIFAT IBIDUNNI 92,985,000

15 ASAAGA BEM 88,299,464.11

16 OKUGO, MRS. STELLA CHINYERE 87,000,000

17 HABIBA SALIHU USMAN 77,337,000

18 EBHOHIMEN, MR. ASEGBE MONDAY 71,466,400

19 NWOKEDI, MRS. PATRICIA EBELE 60,362,000

20 EBENJE, MRS. GLORIA UDOKA 58,614,521

21 KUTEYI BOLA ALEX 54,088,706

22 PAM, MR. GABRIEL MARCELLINUS 50,000,000

23 BANJO, MR. SUNDAY JOHN 49,783,200

24 PETER-OKPO, MS. VERA MMAOBONG 46,566,000

25 DAFUNG, MR. YILPRING IBRAHIM 39,393,767

26 ADAMS, MR. . JOSHUA 32,585,943

27 EGWIM, MRS. OZIOMA STELLA 28,715,400

28 JOEL OYETUNJI AKINADE 24,915,979

29 EGBUNU ALADI DORA 24,700,000

30 EDOGBO, MR. SULE 23,534,500

31 UMAR, MR. MOHAMMED SALISU 22,809,000

32 AVIDIME, MS. EWEZE ELIZABETH 21,589,200

33 DIKE AMECHI OTUYA 21,345,614.43

34 IBRAHIM, MR. MOHAMMED 20,626,826.6

35 ADEBIMPE, MRS. OLUWASOLA ESTHER 18,025,159.05

36 ADEBAYO OLORUNTOBI 16,221,750

37 LINUS S E R EYITIMI 14,677,900

38 SULEIMAN, MR. IBRAHIM 14,581,202

39 AKINFOLARIN KUTI, MRS. KATE OLUWATOYIN 10,165,000

40 ONYEDINEFU, MRS. CHIOMA VIRGINIA 9,955,975.78

41 AROKE, MRS. AMORE GRACE 9,109,200

42 ABDULMALIK, MR. WALI SANI 7,900,777.08

JIMILLA: NAIRA 3,084,839,809.62

Share.

game da Author