Ƴan daba sun tarwatsa masu Zanga-zangar #EndSARS a Abuja

0

Gungun ƴan daba dauke da sanduna, kokara, da karafuna sun tarwatsa dandazon masu zanga-zangar #EndSARS a Abuja ranar Laraba.

Matasan sun afkawa masu zanga-zanga ne inda suka farfasa motocin mutane sannan suka rika jibgan wadanda suka cigaba da zanga-zangar.

Anan dai aka yi arangama inda daga baya suka yi tafiyarsu.

Anji wa wasu biyu daga cikin ƴan daban rauni, wasu kuma da dama daga cikin masu zanga-zangan suma sun samu raunuka a jikin su.

Dukkan su dai an garzaya da su asibiti.

Duk da cewa gwamnati ta amince da bukatun da masu zanga-zangar suka bukata, har yanzu wasun su sun ki su janye daga titunan kasar nan musamman a jihohin kasar nan musamman jihohin Legas da Abuja da wasu kasashe jihohn kudancin kasar nan.

Share.

game da Author