Gwamnatin Barno za ta bude sabbin gidajen radiyo hudu a kananan hukumomin jihar

0

Gwamnatin jihar Barno da hadin guiwar kungiya mai zaman kanta ‘North East Regional Initiative (NERI)’ Za su gina gidajen radiyo hudu a jihar.

Kwamishinan yada labarai, al’adun gargajiya da harkokin cikin gida, Babakura Abba-Jato ya sanar da haka ranar Litini a bikin cika shekara daya da gwamna Babagan Zulum yayi a jihar Barno.

Abba-Jato ya ce a yanzu haka an bude gidan radiyo a garin Biu dake aiki a kullum a garin.

Ya ce za a bude sabbin gidajen radiyon a garuruwan Monguno, Damasak da garin Dikwa.

Abba-Jato ya ce gwamnati ta samar da na’uran yadda labarai domin inganta aiyukkan gidan rediyon da talabijin din Barno (BRTV).

” Za kuma mu saka tashar gida talabijin din mu a tauraron dan adam domin mutanen dake kasashen waje su kallon mu kai tsaye, al’adu da shirye-shiryen da aka yi a jihar.

“Gwamnati za ta kuma farfado da gidan buga jaridar jihar da ya dade baya aiki.

Share.

game da Author