KORONA: Najeriya ta samu karin mutum 226 da suka kamu, Yanzu mutum 6401

0

Hukumar NCDC ta Najeriya ta sanar da karin mutum 226 da suka kamu da cutar Coronavirus a kasar nan ranar Talata.

Alkaluman da NCDC ta fitar ranar Talata, Jihar Legas ta samu karin mutum 131, 25-Ogun, 15-Plateau, 11-Edo, 7-Kaduna, 6-Oyo, 5-FCT
5-Adamawa, 4-Jigawa, 4-Ebonyi, 4-Borno, 3-Nasarawa, 2-Bauchi, 2-Gombe, 1-Enugu, 1-Bayelsa.

Yanzu mutum 6401 suka kamu da cutar a Najeriya, mutum 1734 sun warke, 192 sun mutu.

Idan ba a manta ba shugaban Kwamitin Shugaban Kasa Kan Dakile Yaduwar Korona, kuma Sakataren Gwamnatin Tarayya, Boss Mustapha ya bayyana cewa Shugaban Kasa Muhammadu Buhari ya amince da tswaita dokar hana zirga-zirga da mako biyu.

Mustapha ya shaida haka a jawabin mako-mako da kwamitin sa ke yi duk ranar litini ga manema Labarai.

” Tsawaita wannan doka ya zama dole domin har yanzu cutar Korona na ci gaba da yaduwa a kasar nan. Ba zai yiwu a yi gangancin janye dokar hana zirga-zirga ba yanzu.

” Dole a tsawaita domin a samu damar ci gaba da aikin dakile yaduwar cutar kamar yadda kwamitinsa ke yi da sauran ma’aikatan da aikin ya shafa.

Share.

game da Author