YADUWAR CORONAVIRUS: An samu karin mutum 14 da suka kamu da cutar a Najeriya, yanzu 65

0

Hukumar hana yaduwar cututtuka ta kasa (NCDC) ta sanar cewa an samu karin mutane 14 da suka kamu da cutar coronavirus a Najeriya.

NCDC ta sanar da haka ne ranar Alhamis inda ta kara da cewa ta gano biyu a Abuja sannan 12 a jihar Legas.

Daga cikin mutane 14 da suka kamu 6 daga jirgin ruwa suke, uku na cikin yawan mutanen da suka shigo kasar nan daga kasashen waje sannan daya ya kamu da cutar a dalilin yin mu’amula da wadanda suka kamu da cutar.

A lissafe dai mutane 65 ne ke dauke da cutar, 3 sun warke sannan daya ya mutu.

Idan ba a manta ba a ranar Laraba ne NCDC ta sanar cewa an samu karin mutane biyar da suka kamu da cutar a Najeriya.

NCDC ta ce biyu na jihar Legas, daya jihar Ribas, biyu a Abuja.

Hukumar ta ce mutane uku sun shigo da cutar daga kasashen waje ne biyu kuma sun kamu da cutar a dalilin yin mu’amula da wadanda suka kamu.

A yanzu dai mutanen dake dauke da cutar sun kai 51, biyu sun warke sannan daya ya mutu a kasar nan.

Akalla jihohi bakwai ne aka samu tabbacin yaduwar cutar coronavirus a kasar nan.

Coronavirus ta bayyana a kasar nan bayan wani dan kasar Italiya dake dauke da cutar ya shigo Najeriya.

Tun daga wannan lokaci cutar ta fara yaduwa a kasan.

Matakai 10 da za a kiyaye domin kare kai daga CORONAVIRUS

1 – A rika Wanke hannuwa da sabulu a duk lokacin da aka dan wataya ko kuma aka yi tabe-taben abubuwa. Ko bako Kayi ka bashi dama ya wanke hannu kafin ku fara mu’amala.

2 – Ku rufe hanci da bakinku lokacin da kuke yin atishawa da gefen Hannu amma ba da tafin hannu ba. Idan kun shafi bakunan ku toh, ku wanke hannu maza-maza.

3 – A daina taba idanuwa da hannaye ko kuma hanci da baki. Ka du rika yawan shafa fuskokinku da hannaye. Idana an yi haka a gaggauta wanke hannaye.

4 – A nisanci duk wani da bashi da lafiya, musamman mai yin Mura da tari. Ko zazzabi ne yake yi a nisanta da shi sannan a bashi magani da wuri. Idan abin ya faskara a gaggauta kaishi asibiti domin a duba shi.

5 – A kula da yara sannan a rika tsaftace muhalli.

6 – A rika gaisawa da juna nesa-nesa

7 – Idan kayi bako daga kasar waje, kada a kusance shi koda dan uwana ne sai ya killace kan sa na tsawon makonni biyu.

8 – A rika Karantar da yara yadda za su kiyaye koda an aike su a waje.

9 – A yawaita cin abinci masu gina jiki, shan ruwa da motsa jiki.

10 – A yawaita yin addu’a da sadaka.

Share.

game da Author