CORONAVIRUS: Najeriya ta hana jami’an gwamnati fita kasashen waje

0

Kwamitin Shugaban Kasa kan dakile yaduwar annobar Coronavirus ya sanar cewa daga yanzu babu wani jami’in gwamnati da zai fita kasar waje.

Bayan haka kwamitin ta gargadi mutanen Najeriya da su kiyaye zuwa kasashen da cutar ta yi wa hawan kawara.

Kwamitin karkashin shugabancin sakataren gwamnatin tarayya Boss Mustapha ya yi zama ta musamman yau a Abuja domin tattauna hali da matsayin da cutar take a Najeriya a halin yanzu.

Kwamishinan kiwon lafiyar jihar Legas Akin Abayomi ya bayyana cewa wata ‘Yar Najeriya ta kamu da cutar coronavirus.

A zantawa da yayi da manema labarai ranar Talata, ya ce wannan yarinya ta dawo daga kasar Birtaniya.

Bayan ta ji bata jin dadi a jikinta Sai ta killace kanta kafin daga baya taje asibiti aka duba ta. Nan ne aka gano ta kamu da cutar coronavirus.

Duk da cewa an yanzu mutane uku ne aka tabbatar sun kamu da cutar sai dai daya daga cikin su gwaji ya nuna cewa Bashir dauke da wannan cuta.

Wani Dan kasar Italiya ne ya shigo Najeriya da cutar, inda daga baya aka samu wani Shima sake da alamun wannan cuta to sai kuma mutum na uku da aka gano yanzu data shigo kasa daga Birtaniya.

Kwayoyin cutar Corona Virus na daga cikin kwayoyin cutar dake sa a kamu da mura wanda idan yayi tsanani akan yi fama da matsalar cutar dake hana numfashi yadda ya kamata da ake kira (Middle East Respiratory Syndrome (MERS-CoV), da kuma cutar tsanannin mura da kan toshe makogoro.

Alamun kamuwa da cutar sun hada da matsala a kafofin wucewar iska a makogoro wato numfashi, yawan zazzabi, tsananin tari, da ciwo a makogoro.

Idan abin yayi tsanani, ya kan kai ga shakar iska ma ya gagara, sannan a samu matsalar sanyin hakarkari wato ‘Nimoniya’, kuma idan har ya yi tsanani matuka kodar mutum kan daina aiki kwata-kwata.

Za a iya kaucewa kamuwa da wannan cuta ta hanyar, yawaita wanke hannaye da ruwa da sabulu, sannan a rika rufe hanci da baki idan za ayi atishawa kuma a rika wankewa da dafa nama sosai ya nuna tubus kafin a ci da kwai.

A rika nisanta ko kuma zama kusa da wanda ya nuna alamun rashin lafiya musamman irin wadanda a ka lissafa a sama sannan a gaggauta zuwa asibiti da neman magani idan ba a da lafiya.

Cutar da ta samo asali a kasar Chana a watan Disemba 2019 ya kama mutane 80,849 sannan da dama sun mutu a kasar.

Coronavirus ta yaduwa zuwa wasu kasashen duniya inda mutane 157,208 sun kamu da cutar wasu 5,842 sun mutu a kasashen duniya 153.

A yanzu dai kasashen Italiya da Masar a Najiyar Afrika na cikin kasashen da wannan cutar ta yi wa kamun farad daya.

Share.

game da Author