CORONAVIRUS: Akalla mutane 40,000 sun mutu a duniya

0

Bisa ga rahoton “Worldometer’ akalla mutum 800,000 sun kamu da cutar a duniya.

A ranar Asabar mutum 600,000 ne suka kamu. Zuwa ranar Lahadiabin ya kai 700,000.

Daga nan ne ya lula zuwa 803, 541.

A haka dai kuma an samu akalla mutum 172, 000 sun warke daga cutar a duniya.

ADADIN YAWAN MUTANEN DA SUKA MUTU A DUNIYA.

Bisa ga rahotanin da aka gabatar ranar Talata mutanen da suka mutu a dalilin kamuwa da cutar sun kai 40,000.

Kasashen Turai na cikin kasashen duniyan da suka fi yawan mutanen da suka mutu a dalilin kamuwa da cutar.

A kasar Italiya mutum 900 sun mutu sannan kasar Spain ta rasa mutum 800 a cikin awa 24.

A lissafe dai mutum 20,000 ne suka mutu a wadannan kasashe a biyu, wato Italiya da Spain cikin 40,000 da suka mutu.

Kasar Faransa ta rasa mutane 3000, kasar Birtaniya mutane 1400.

A ranar Talata mutane 3,305 sun mutu a kasar Amurka bayan mutane 500 sun mutu a kasar a cikin awa 24.

Likitoci sun yi hasashen cewa adadin yawan mutane da za su mutu a kasar Amurka zai kai 100,000 zuwa 200,000 koda mutane sun kiyaye dokar hana taro a kasar.

A garin New York mutane 67,000 sun kamu da cutar sannan mutane 250 sun mutu tsakanin ranar Lahadi da Litini.

Mutanen da suka mutu a garin sun kai 1,300.

NAHIYAR AFRIKA

Mutane 50 ne suka mutu a Nahiyar Afrika inda kasar Masar na da mutum 41, Algeria 35, Morocco na da 33.

Share.

game da Author