INGANTA ILIMI: Kano za ta ciyo bashin Naira biliyan 15

0

Gwamnan jihar Kano Abdullahi Ganduje ya nemi majalisar dokokin jihar da ta amince wa gwamnati ta ciyo bashin Naira biliyan 15 domin inganta fannin ilimi a jihar.

Kakakin majalisar Abdulazeez Garba-Gafasa ya karanta wasikar neman bashin da gwamna Ganduje ya aiki a ranar Litini a zauren majalisar.

Garba-Gafasa ya ce Ganduje zai yi amfani da wadannan kudade ne wajen inganta ilimin boko kyauta a kananan hukumomi 44 na jihar.

Ya ce gwamnatin za ta biya bashin wadannan kudade ne daga cikin kason kudaden da gwamnati ke bata a duk wata.

Baya ga haka Garba-Gafsa ya gabatar da wasikar ga kwamitin harkokin kananan hukumomi na majalisar domin duba wannan himma na gwamnatin jihar.

Majalisar ta bai wa kwamitin kwanaki biyu ta mika rahoton ta.

Share.

game da Author