2019: Yadda APC da PDP Suka Yi Rububin Jihohi, APC 15, PDP 14

0

Ya zuwa yanzu dai an kammala zaben gwamnoni, har ma da inda Hukumar Zabe Mai Zaman Kanta ta Kasa (INEC) ta ce zabe bai kammalu ba.

Abin da ya rage kawai shi ne a ga yadda za ta kaya a Kotunan Sauraren Kararrakin Zabe, inda wasu gwamnonin za su tsira, wasu kuma za su ga samu sannan kuma su ga rashi.

Sakamakon zabe ya nuna cewa Jihohi biyar da aka sake kirga da wadanda aka maimaita zabuka a wasu yankuna, duk PDP ce ta lashe zabukan.

Wadannan Jihohi sun hada da Adamawa, Benuwai, Taraba, Ribas, Sokoto. Sai kuma jihohin Kano da Filato ne su biyu APC ta yi nasara kenan.

Gaba daya dai APC ta lashe jihohi 15, ita kuma PDP ta lashe 14 a zaben gwamna da aka gudanar.

An yi zaben gwamna a Osun cikin 2018, haka ma a jihar Ekiti. Za a yi na jihar Anambara cikin wannan shekara tare da na Ondo da Bayelsa.

Zaben 2019 ya nuna cewa PPD ta samu karin jihohi, yayin da APC ta yi asarar jihohi.

A lokacin da aka shiga zabe, APC na rike da jihohin: Kebbi, Jigawa, Zamfara, Kano, Adamawa, Katsina, Bauchi, Kaduna, Borno, Yobe, Niger, Ogun, Plateau, Lagos, Nasarawa, Oyo da Imo.

Bayan kammala zabe, APC ta yi asarar jihohi hudu, da suka hada da: Bauchi, Oyo, Adamawa and Imo.

Sannan kuma Kotun Daukaka Kara ta soke nasarar da jam’iyyar APC ta samu a zaben gwamnan jihar Zamfara, inda kotun ta jajirce cewa bai dace APC ta shiga zaben ba.

A halin yanu dai ana sauraren hukuncin da Kotun Koli za ta yanke.

Haka abin ya ke a jihar Osun, Kotun Daukaka Kara ta soke nasarar da APC ta samu, ta ce a bai wa PDP, amma kuma APC ta garzaya Kotun Koli. Ana jiran hukunci na karshe kenan a jihar Zamfara da Osun.

A na ta bangaren, PDP ta shiga zabe ta na rike da Jihohin Gombe, Enugu, Abia, Kwara, Cross River, Delta, Sokoto, Akwa-Ibom, Ebonyi, Benue, Rivers da Taraba.

Bayan kammala zabe, PDP ta yi asarar Gombe da Kwara kadai.

Idan har PDP ta kwaci Kano, Zamfara da Osun a Kotu daga hannun APC, zai kasance ta na da jijohi 17 kenan ita kuma APC na da 12 daga cikin jihohi 29 da aka yi zabe a 2019 kenan.

Idan aka hada da jihohin da ba a yi zaben 2019 tare da sub a, APC na da jihohi 20 kenan ita kuma PDP ta na da 15.

APC ke da Ondo, Edo, Osun, Kogi da Ekiti a cikin jihohin da ba su yi zaben 2019 ba. ita kuma PDP ta na da Bayelsa, sai APGA mai Jihar Anabra tal.

Za a gudanar da zaben gwamnan Kogi da Bayelsa cikin 2019. Ondo da Edo kuwa cikin 2020; Anambra cikin 2012; Osun da Ekiti cikin 2022.

Ga yadda sakamakon zaben gwamna na kowace jiha ya kasance a cikin jihohi 29 da aka gudanar da zaben 2019:

Abia

PDP 261,127

APC 99,574

Adamawa

PDP 376,552

APC 336,386

Akwa Ibom

PDP 520,163

APC 172,244

Bauchi

PDP 515,113

APC 500,625

Benue

PDP 434,473

APC 345,155

Borno

APC 1,175,445
PDP 66,215

Cross River

PDP 381,484
APC 131,161

Delta

PDP 925,274
APC 215,038

Ebonyi

PDP 393,049
APC 135,903

Enugu

PDP 449,935
APC 10,423

Gombe

APC 364,179

PDP 222,868

Imo

PDP 273,404
AA 190,364

Jigawa

APC 810,933
PDP 288,356

Kaduna

APC 1,044,710

PDP 814,168

Kano

PDP 1,024,713

APC 1,033,695

Katsina

APC 1,178,868

PDP 488,705

Kebbi

APC 673,717
PDP 102,625

Kwara

APC 331,546

PDP 115,310

Lagos

APC 739,445
PDP 206,141

Nasarawa

APC 327,229

PDP 184,259

Niger

APC 526,3

PDP 298,056

Ogun

APC 241,670

APM 222,153

Oyo

PDP 515,621

APC 357,982

Plateau

APC 562,109
PDP 559,437

Rivers

PDP 886,264

AAC 173,859

Sokoto

PDP 512,002

APC 511,660

Taraba

PDP 520,433

APC 362,735

Yobe

APC 444,013

PDP 95,803

Zamfara

APC 534,541

PDP 189,452.

Share.

game da Author