‘Yan Najeriya 35,000 masu gudun hijira a Kamaru ba su fuskantar rashin tsaro – UN

0

Hukumar Kula da Masu Gudun Hijira ta Majalisar Dinkin Duniya, ta bayyana cewa masu gudun hijira su kimanin 35,000 da suka kwarara cikin kasar Kamaru, su nan nan lafiya a cikin kasar.

Wannan adadin masu gudun hijira sun tsere ne daga garin Rann.

Sun tsere ne cikin makonni biyu na karashen watan Janairu, a dalilin barazanar mummunan hare-hare da Boko Haram suka rika kai wa garin kwanan nan.

Cikin 2017 jirgin sojojin Najeriya ya jefa bam a bisa kuskure, a kan mazauna sansanin gudun hijira a ran.

Cikin watan Janairu kuma an kai wa garin na Rann hari har sau biyu.

Hukumar ta tabbatar da cewa babu wata barazana a kan masu gudun hijirar, tun bayan yunkurin da mahukuntan kasar suka yi na koro su zuwa gida Najeriya.

A nan Najeriya, akwai dimbin masu gudun hijira daga Jamhuriyar Kamaru, masu yawan gaske.

Babban Jami’in Hukumar da ke Kamaru, Allega Baroccha, ya ga akwai tsoron maida su Najeriya sosai a zukatan masu gudun hijira daga Najeriya.

Share.

game da Author