Duk wanda ya karyata kisan Kiyashin da aka yi wa mutanen Kajuru, lallai ya zauce – Inji El-Rufai

0

Gwamnan jihar Kaduna ya bayyana cewa duk wanda ya karyata kisan kiyashin da aka yi wa mutanen Kauykan karamar Kajuru wannan mutum ya zauce, yana neman a duba shi.

El-Rufai ya yi karin haske game da ainihin yawan mutanen da suka rasa rayukan su a wannan hari bayan taro da ya halarta da shugaban kasa a fadar gwamnati dake Abuja.

” Bari in gaya muku cewa zuwa yanzu ma mutanen da aka kashe sun kai 130 a lissafin da muka yi zuwa yau.

Idan ba a manta ba a ranar Juma’a ne gwamnatin jihar Kaduna ta tabbatar da kisan mutane 66 a karamar hukumar Kajuru.

Akalla yara 22 da mata 11 ne aka yi wa kisan gilla a wannan hari da aka kai.

El-Rufai ya ce dalilin da ya sa aka dan jinkirta fadin yawan mutanen da suka salwanta a harin shine don ana tattara yawan su ne, sannan kuma za a fidda sunayen wadanda aka kashe a wannan hari.

Share.

game da Author