Mahara sun kashe mutane biyar a jihar Filato

0

Kakakin rundunar ‘yan sandan jihar Filato Tyopev Terna ya bayyana cewa mutane biyar sun rasu a hari da wasu ‘yan bindiga suka akai kauyen Rawuru, dake karamar hukumar Barikin Ladi dake jihar.

Su dai wadannan mutane sun gamu da ajalin su ne a hanyar su ta dawowa daga wani kauye dake kusa da su bayan sun halarci bukin zagayowar ranar haihuwar wani abokin su.

Adaidai suna dawowa Rawuru da misalin karfe 9 na dare sai wasu dauke da bindigogi suka far musu inda a nan take suka kashe mutane 5 sannan biyu daga cikin su suka sami rauni.

Tyopev Terna ya ce tuni har a kai wadannan mutane asibiti sannan an karo yawan jami’an tsaro wannan yanki domin samar da tsaro kamar yadda ya kamata.

Share.

game da Author