” Za ayi matukar gwabzawa a 2019 saboda APC ta rantse sai ta zarce duk da gazawar da ta yi” – Atiku

0

Dan takarar shugaban kasa a Inuwar jam’iyyar PDP Atiku Abubakar ya yi kira da a tsige Sufeto Janar din ‘yan sandan Kasa kafin zabukan 2019.

Atiku ya bayyana haka ne a wajen taron gaddamar da kwamitin kamfen din sa wanda shugaban majalisar dattawa, Bukola Saraki zai shugabanta.

Atiku ya ce dole wannan kwamiti su tabbata an tsige Sufeto Janr Idris kafin zabe domin babu alamar zai yi adalci a aikin sa.

” Dole ne mu tabbata an tsige sufeto janar din ‘yan sandan kasa kafin zabukan 2019. Wannan yana daga cikin manyan abubuwan da zamu sa a gaba.

” Bayan haka jam’iyyar APC ta koma sai tsikarar mu take gaba-gadi saboda gazawa da tayi na kawo sauyi na gari a kasar nan tun bayan hawanta karagar mulki a 2015.

” Za mu tunkari jam’iyya ce wato APC da take so ta ci gaba da mulki ko ta halin kaka. Wannan gwabzawa da za a yi a 2019 zai fi dukkan zabukkan da aka yi tun 1999.

Share.

game da Author