YAJIN AIKI: An fara layin Mai a Kano

0

A dalilin shirin fara yajin aikin gama gari da kungiyar Kwadago ta kira da za a fara daga ranar 6 ga watan Nuwamba, an dan fara samun layin motoci a gidajen saida mai dake jihar Kano.

A karamar hukumar Gwarzo, an ga motoci suna tsaye a gidajen mai domin siyan man fetur. Wasu da dama daga gidajen saida man fetur din sun kulle gidajen cewa wai a dalilin kishi-kishin din da aka ji wai za a rage kudin mai shine yasa ba su sayo man ba tukuna.

Ko da yake gidajen mai a cikin garin Kano na saida mai.

Shugaban kungiyar masu hada-hadar man fetur reshen jihar Kano Bashir Dan-Malam, ya bayyana wa kamfanin dillancin labarai cewa wannan karanci da aka fara samu a jihar na da nasaba da rade-radin rage kudin mai da ake da yada wa.

Ya ce wasu na ganin kamar gwamnati za ta rage kudin mai daga naira 145 zuwa naira 95 kowace lita.

Share.

game da Author