YAJIN AIKI: Ba a samu daidaituwa tsakanin gwamnati da kungiyar Kwadago ba

0

Shugaban kungiyar kwadago na kasa (NLC) Ayuba Wabba ya sanar cewa kungiyar na nan kan bakar ta na tashi da yajin aikin gama gari ranar Alhamis.

Wabba ya bayyana cewa ba su cimma matsaya ba tsakanin kungiyar da gwamnatin bayan ganawa da suka yi da ministan Kwadago, Chris Ngige.

Dama can kungiyar ta sanar cewa tuni ha ta sanar da kungiyoyin ma’aikatan gwamnati da na kamfanoni masu zaman kan su hadi da bankuna, tashoshin jiragen sama da ana kasa, gidanjen mai, da ma’aikatu da su garkame ofishoshin su daga ranar Alhams.

Kungiyar Ma’aikata na fadin kasar nan sun yanke shawarar cewa za su fara yajin aikin fushin rashin cika musu alkawarin karin albashi da Gwamnatin Tarayya ta ki yi.

Sun yanke wannan shawara ce a yau Talata.

A cikin wata takardar bayann tashi taro Sakatare Janar na kungiyar, Musa-Lawal Ozigi ya sa wa hannu, bayan da Kwamitin Zartaswar kungiyar ya zartas da amincewa a fara yajin aikin.

“Mu na sanar da fara yajin aiki daga ranar Alhamis, 27 Ga Satumba, 2018” Inji Ozigi.

Daga nan ya kara da cewa sakamakon haka za su tashi tsaye domin nusasshe da ‘yan kungiyar a duk inda suke su fara shirin yajin aiki daga Alhamis da sassafe.

Ya ce ya na bada shawara ga dukkan ma’aikata kungiyoyi da sauran talakawa cewa su tanadi kayan abinci tuli guda kowa ya kimshe a gida.

Ya ce ba kayan abinci kadai ba, har dukkan kayan amfani da tasarifi na cikin gida na yau da kullum, duk kowa ya tanada a adaba,

Daga nan sai ya yi kira ga kungiyar ma’aikatan da ta hada kai da kungiyar kwadago ta jihohi domin yajin aikin ya yi tasiri sosai a jihohi

An dade ana yi wa ma’aikata alkawarin karin albashi amma har yau bai tabbata ba. Su di kungiyar na so a maida naira 65,000 ta zama mafi karancin albashin ma’aikaci a Najeriya.

Share.

game da Author