Atiku ya goyi bayan Majalisa kan kafa ‘yan sandan jihohi

Tsohon Mataimakin Shugaban Kasa, Atiku Abubakar, ya ya ba wa Majalisar Tarayya dangane da kokarin da ake yi na yi wa dokar kasa kwaskwarima da gyara ta yadda za a kafa dokar kafa ‘yan sandan jihohi.

Ya ce yin haka zai taimaka wajen magance barazanar rashin tsaro a kasar nan, wanda ya ke haifar da kashe-kashen rayukan ‘yan Najeriya.

Ya kuma mika ta’aziyyar sa iyalai da abokan aikin ‘yan sandan nan bakwai da wasu mahara suka bindige a Galadimawa, Abuja.

Atiku yace ‘yan majalisar tarayya sun nuna jan hali da kishin kasa da har suka yi tunanin a yi wa dokar kasa kwaskwarima, domin a kafa ‘yan sandan jihohi a kasar nan.