Gwamnati za ta raba wa mabukata naira dubu biyar-biyar a watan Yuli

0

Gwamnatin Tarayya za ta fara raba wa mabukata tallafin naira budu biyar daga watan Juli mai kamawa.

Za a fara ne da raba kudin a wasu jihohi 19 da aka ware. Jihohin dai sun hada da: Niger, Kogi, Ekiti, Osun, Oyo, Kwara, Cross River, Bauchi, Gombe, Jigawa, Benue, Taraba, Adamawa, Kano, Katsina, Kaduna, Plateau, Nasarawa, Anambra da kuma sansanin ‘yan gudun hijira a jihar Borno.

Za a rika bayarwa a kowane wata.

Jami’in Raba Kudaden Tallafin ta Hanyar Asusun Ajiyar Banki, Tukur Rumar ne ya bayyana haka.

Ya ce kudaden da za a raba din duk za su fito ne daga cikin dala milyan 322 da aka maido wa gwamnatin Shugaba Muhammadu Buhari da Abacha ya boye a kasashen Turai.

Idan ba a manta ba, har bayan da Buhari ya karbi kudin da Abacha ya boye a kasashen waje, ya sha cewa Abacha bai wawuri dukiyar kasa ba, mutum ne mai gaskiya da rikon amana.

Sai dai kuma ba kowane mutum daya ne za a bai wa kudin ba, gida-gida ne za a tika bai wa.

Wato kowane gida za a bai wa mutane gidan naira dubu biyar. Gwamnati ta ce gidaje 302,000 ne za su amfana a cikin jihohin 19.

Share.

game da Author