Buhari ya canza ranar Dimokradiyya a Najeriya zuwa 12 ga watan Yuli saboda girmama marigayi Abiola

Shugaban Kasa Muhammadu Buhari ya canza ranar murna da hutun dimokradiyya a kasar nan zuwa ranar 12 ga watan Yuni daga 2019.

Buhari yayi haka ne domin ya karrama marigayi Abiola da ake zaton shine ya lashe zaben 12 ga watan Yuli din da shugaban kasa a wancan lokacin Ibrahim Babangida ya soke zaben.

Bayan haka shugaba Buhari ya ce zai bai wa marigayi Abiola babbar lambar girmamawa ta GCFR wanda babu wanda yake samun wannan lambar girmamawa sai tsohon shugaban Kasa wanda hakan ya nuna kamar Abiola ma tsohon shugaban kasa ne.

Mataimakin Abiola a takarar wato Ambasada Babagana Kingibe shima za a bashi lambar girmamawa na GCON.

Za ayi bukin mika wadannan lambobin yabo da girmamawane a ranar 12 ga watan Yuni mai zuwa.

A dalilin haka daga shekara mai zuwa za a yi hutun dimokradiyya ne daga ranar 12 ga watan Yuni.