APC ta cinye kujerun Kansiloli 147, ciyaman 13 a zaben Nasarawa

0

Shugaban hukumar zabe na jihar Nasarawa, Henry Omaku, ya bayyana cewa jam’iyyar APC ce ta lashe zaben kujerun kansiloli 147 da na shugabannin kananan hukumomi 13 a zaben da aka yi jiya a fadin jihar.

Ko da yake jam’iyyar PDP bata shiga zaben ba, jam’iyyu 21 suka fafata a zaben sai dai kash, ko kujera daya babu jam’iyyar da ta samu koda ko ta kansila ce.

Kaf APC ce ta lashe zaben a jihar.

Wasu daga cikin korafin da APGA da PDP suka yi shine wai suna da tabbacin cewa shugaban hukumar zaben na jihar dan jam’iyyar APC ne.

Share.

game da Author