‘Da ya kwade mahaifinsa mai shekaru 83 da tabarya har lahira

0

Wani abin takaici da ban mamaki ya faru a kauyen Ojinato dake karamar hukumar Oji River a jihar Enugu inda wani matashi ya kashe mahaifin sa mai shekaru 83.

Wannan abu dai ya auku ne a ranar Juma’a ta dalilin sabani da suka samu a tsakaninsu.

Makwabtan wadannan mutane sun fadi cewa yaron ya kwade mahaifin na sa ne a kai da tabarya.

” Babu wanda ya san dalilin wannan sabani ko kuma dalilin daukan wannan mummunar mataki da wannan yaro ya yi” Kamar yadda suka ce.

A karshe kakakin rundunar ‘yan sandan jihar Ebere Amaraizu ya ce sun kama wannan yaro sannan za su fara gudanar da bincike a kan sa nan ba da dadewa ba.

Sai dai kuma wani cikin makwabtan nasu ya bayyana cewa yana ganin kamar yaron tun da dadewa bya na da dan tabuwar hankali.

Share.

game da Author