MedShare ta yi shekaru 20 tana tallafa wa fannin kiwon lafiya a Najeriya

0

Kungiya mai zaman kanta mai suna ‘MedShare’ dake kasar Amurka ta bayyana cewa ta kashe dala miliyan 40 a cikin shekaru 20 da suka wuce don tallafa wa fannin kiwon lafiya a Najeriya.

Mataimakiyar shugaban kungiyar Nell Diallo ta sanar da haka a taron cika shekaru 20 da kungiyar ta yi tana aiki a Najeriya.

” Mun tallafa wa fannin kiwon lafiya a Najeriya da magunguna da kayan aiki da ya kai dala miliyan 40 musamman wanda ya shafi inganta kiwon lafiyar mata da yara kanana.”

” Mun kuma zage damtse wajen bunkasa aiyuka a manyan asibitocin dake jihohi 19 dake kasar nan.

A karshe shugaban kungiyar ya bayyana a farin cikin sa ga goyon bayan da Kungiyar ke daga Najeriya.

Ya kuma tabbatar da cewa Medshare zata ci gaba da tallafa wa Najeriya da kuma sauran kasashen duniya.

Share.

game da Author