2018: An haifi jarirai 20,210 ranar 1 Ga Sabuwar Shekara a Najeriya -UNICEF

0

Hukumar Majalisar Dinkin Duniya Mai Kula Da Kananan Yara, UNICEF, ta bayyana cewa a Nijeriya an haifi akalla jarirai 20,210 a ranar 1 Ga Janairu, 2018.

Wannan adadi da aka samu a Nijeriya, ya zo a matsayin na uku a cikin kasashen da aka fi yawan haihuwar jarirai a sabuwar shekara.

UNICEF ta ce akalla an haifi jarirai kusan 360,000 a ranar sabuwar shekara ta 2018, jiya Litinin kenan a duniya.

Hukumar ta kara da cewa kusan sama da rabin yawan wadannan jarirai da aka haifa a ranar 1 Ga Janairu, an haife su ne a kasashe tara kacal.

INDIA: 69,070

CHINA: 44,780

NIGERIA: 20,210

PAKISTAN: 14,910

INDONESIA: 13,370

AMURKA: 11,280

CONGO: 9,400

ETHIOPIA: 9,020

BANGLADESH: 8,370

Babban Jami’in Kula da Lafiya na Hukumar, Stefen Peterson, ya bayyana cewa duk da yawan hayayyafar da aka yi a ranar sabuwar shekara, akwai jarirai da yawa da ba su zo duniya da rai a ranar ba, wasu kuma sun mutu jim kadan bayan haihuwar su a ranar.

Share.

game da Author