Kashi 66 na Malaman jihar Kaduna sun kasa cin jarabawar aji hudu na firamare

0

Gwamnan jihar Kaduna Nasir El-Rufai ya ce abin takaici ne ace wai malamim da ke Karantar da dalibi a makaranta bai iya cin jarabawar dan aji hudu na firamare ba kuma wai yana Karanta da dalibi har na sama da aji hudu.

El-Rufai ya koka da yadda aka debi malamai a jihar a baya cewa siyasa aka mai da shi ba wai don a ba yara ilimi ba.

Ya ce gwamnati ta shirya wa malaman jihar su 33,000 jarabawa amma kashi 66 sun kasa cin jarabawar.

Gwamnan ya kara da cewa za a sallami dakikan malamai 20,000 sannan gwamnati za ta dauki sabbin malamai 25,000 kwararru kuma sabon jini domin Karanta da yara a makarantun gwamnatin a jihar.

Ya ce baza a bar makarantun kananan hukumomi ba inda malamansu ke fama da dalibai da yawa kuma babu isassun malamai.

Ya ce za a kara yawan malamai a makarantun da ke kauyuka.

Gwamnan El-Rufai ya fadi wadannan matsaloli ne da yake zantawa da jami’ an bankin duniya da suka kawo masa ziyara a gidan Sir Kashim Ibrahim dake Kaduna.

Share.

game da Author

Leave A Reply