Wani dan wasan kwallon Najeriya ya mutu a wajen motsa jiki da safen yau

0

Wani dan kwallon kungiyar kwallon kafa na Kwara United Saka Azeez ya yanke jiki ya fadi yau a filin wasa na Ilori a daidai suna gudun motsa jiki a shirin wasan kwallon kafa da su keyi na Kwararru wato ‘Premier League’.

Mahaifinsa Kasali Lasisi shahararren dan wasan kwallon Tabur ne ‘Table Tennis’ wanda gwamnatin jihar Kwara ta karrama a kwanakin nan.

Kakakin kungiyar kwallon kafan yace abin ya basu tsoro domin suna gudun motsa jiki ne kawai sai ya yanke jiki ya fadi.

“ Da yake muna kusa da asibiti ne sai muka dauke shi ranga-ranga zuwa can. Bayan likitoci sun duba shi sai suka sanar mana cewa ya riga ya cika.”

Kungiyar kwallon kafa na Kwara United sun siya Azeez ne daga Zamfara United a farkon wannan shekarar kwallo wato 2017/2018.

Share.

game da Author