An haramta wa Fulani gudanar da bukukuwan aure a cikin dare a garin Jeke, jihar Jigawa

1

Dakacin garin Jeke da ke a Karamar Hukumar Sule Tankarkar cikin Jihar Jigawa, Alhaji Alasan, ya kafa dokar hana Fulanin yankin sa gudanar da bukukuwan aure da sauran shagulgulan al’adu a cikin dare.

Jami’in yada labarai na karamar hukumar ne, mai suna Daudu Sulaiman, ya bayyana wa kamfanin dillancin labarai na kasa, NAN a Dutse, babban birnin jihar Jigawa, a ranar Talatar nan.

Jami’in ya ce Hakimin wanda kuma shi ne Dan Isan Gumel, ya bayar da wannan umarni ne yayin wani taro da ya yi tare da dakatai da masu unguwannin yankin sa.

Ya ce ya hana gudanar da bukukuwan ne domin kawo karshen nyawan fadace-fadacen da ake yi a lokuttan bukukuwan. Hakimin ya ce sau da yawa irin wadannan fadace-fadacen kan haifar da asarar ruyuka da barnatar da dukiyoyi.

Har ila yau kuma, Hakimin ya yi kira ga jama’a da su guji halartar irin wadannan bukukuwa da kuma zuwa kasuwanni dauke da makamai.

Share.

game da Author