Adamu Mu’azu, Jega da Sifeton ‘yan Sandan kasa ne suka munafunceni a 2015 – Inji Goodluck Jonathan

1

Tsohon shugaban Kasa Goodluck Jonathan ya zargi tsohon shugaban jam’iyyar PDP Adamu Mu’azu da yi masa Zagon Kasa a zaben 2015.

“ A rashin sani na ashe Adamu Mu’azu na yi wa jam’iyyar adawa na APC aiki ne a wancan lokacin ni ban sani.”

Jonathan yace idan ba cin amanar sa da wasu makusantarsa sukayi ba tayaya za’a ce wai ya fadi zabe a Jihohin Ondo, Filato da Benue.

“Wasu da muke tare da su sun shirya abin ne bamu sani ba domin idan ka duba yadda zaben ya gudana a wadannan jihohi, kusan duka masu zabe sunki fitowa su zabe mu saboda munafurta mu ada kayi.

Jonathan ya fadi hakan ne a wata littafi da ya rubuta wanda gidajen Jaridun The Nation da Cable suka dan tsakuto kadan daga ciki.

A cikin rubutun, Jonathan ya ce Buhari ya na ruguza duk abubuwan da ya gina a lokacin yana shugaban kasa.

“ Maimakon Buhari ya dora akan abinda na bari, ya zo yana ta bata shirin da nayi a wancan lokacin. Ya sa iyalai na a gaba a yakin sa na cin hanci da rashawa da yake yi.”

“ shi ma shugaban hukumar Zabe a wancan lokacin ya bani mamaki domin ya ci amanata. Har yanzu ban san dalilin sa na kikacewa wai dole sai anyi zabe a watan Fabrairu ba kafin mu amince a daga Zaben.

Share.

game da Author

  • Abdullahi M A Gummi

    Ai zabe anyi bisa ga adalci babu wani cin amana musamman ta bangare jega. Jega bai ci ba a cikin babban zaben 2015. ‘Yan qasa mun gaji da mulkin pdp ne muka roqi Allah ya canza muna gwamnati. Kai da kanka ka fara amincewa da faduwar ka zabe. Ashe kaga babu cin a nan. Kuma wannan gwamnati bata tasa iyalanka gaba ba. Gwamnati na lalaben wadanda suka zalunci qasa ne domin a amsa abinda suka sata. Don haka kayi tunanin yadda matsalar take.