Kada ka ci Suya (tsire) ba tare da anyi mata hadi da kayan miya ba

1

Wata Farfesa akan ilimin abinci musamman abinda ya shafi nama da ganyayyaki ta gargadi mutane da su daina cin gasasshen nama wato suya ko tsire ba tare da an yi musu hadi da kayan miya ba musamman Albasa da kabeji.

Masaniyar kuma Farfesa akan ilimin lafiyar jama’a da na abinci a jami’ar Najeriya dake Nsuka jihar Enugu Ngozi Nnam ta ce cin gasasshen nama haka kawai ba tare da irin wadannan hadin ba ya na kawo cutar daji wato (cancer).

Malamar tace saboda hayaki da wutar da ake yin amfani dashi wajen gasa naman yakan haddasa wata dafi da ke iya kawo cutar muddun ba an hada naman da albasa bane ko wadansu ganyayyaki kamar su kabeji da sauransu wanda hakan yak e kashe karfin wannan dafi ya lalatashi sannan ya zamo abin amfani ga jiki.

Bayan haka kuma ta yi kira da akula da kifi shima domin gasa shi ya na kawo irin wannna dafi da kan iya sa akamu da cutar daji din.

Share.

game da Author